وصـــــية الحـــــب

مريت من منزل الخل اللي جفاني


حامل ورد وحول بابه رميته


اناظر الشباك عسى ناظره يلقاني


واقف بليل الحزن والدمع هليته


في ساعة بها تمنيت الموت يلفاني


وابقى ضحية حب والقبر يم بيته


والا يجيني وانا واقف في مكاني


ويتحقق بشوفه كل اللي تمنيته


لا هذا ولا ذاك وليل العنى طواني


يأمرني القلب بالصد لكني عصيته


مقابل بيته وبابه وحده تحداني


ولو ما العقل كان هالباب حاكيته


تضمه الجدران وتخفيه عن اعياني


وانا لا شعرت بالشوق الحزن ضميته


كني يتيم مكتوب يقضي العمر وحداني


عانقت الحزن والهم تولاني وتوليته


له عنيف الشوق غصب عني خذاني


وقفني يم بابه وبدموع عيني ارويته


تاخذني الافكار ويش اللي وداني


ويش الذنب اللي بحياتي سويته


ليه وده يعذبني ليه يبغى يتناساني


دام هالحب صادق ويش اللي اخطيته


اقفيت وحيد الحزن والشعر ينعاني


ملعون هالشعر كان بعد اليوم خطيته


بنشدك يا موت ليه اليوم ما تولاني


خذني مثل كل غالي من حياتي خذيته


مليت من هالزمن ومن حب اشقاني


اعجزت قلبي وعن درب الصواب اعميته


يا ناس ويش ذنبي اذا الحزن عنواني


ليه تقفون عني جرحي و طويته


حتى الجرح غدى اليوم يخشاني


وانا اللي وفيت له وبالقلب اخفيته


يا لايمي عساك بالحب مثلي تعاني


تذوق العذاب وتجرب اللي عانيته


يا البشاير ابيك يمي اذا الموت وافاني


ابي اسولف لعيونك عن اللي قضيته


ابحكي عن الجرح وبعض حرماني


واقول احبك وحبك اعظم ما جنيته


ابي بكفك يتكفن جسد بالحب روياني


عسى قلبك يذكر اني بيوم وصيته


ابي اضمك قبل ما تضمني اكفاني


قبل ما يعانقني الثرى هذا اللي احتريته


ابي ابقى ذكرى ابيه صعب نسياني


وبصوتك تقولين للخلق غالي وما نسيته


ابي ابقى سجين ضلوعك والقلب سجاني


اسير حبك ليوم الدين حبك بداخلي ما نحيته


ابي اعانق رمش من ورا الشباك رماني


صابني ما يخطي الصيد كلي فديته


وابي شعرك لا من شعرت بالبرد غطاني


لا من لفتني سكرة الموت شميته


ابي صوتك يداعب مسمعي بعذب الالحاني


بكلمة احبك احبك احبك انت اللي هويته


وعقب موتي قولي لهلي شاعري وصاني


اخذ دفاتر الشعر وقلم بالحيل ابكيته


وان قالو من انتي قوليلهم بالمفارقه سماني


قوليلهم انا من يحبها وانا اللي اشقيته


بتلقين بين الصفحات خصلة كانت تنهاني


عن حب غيرك وعمري بحبك نهيته


هذا ما بقى من حبنا دفتر يضم قيفاني


شعر لك وهبته اقفيت ولك خليته


وان جاء طيفك وانا بالقبر وتعداني


حملته سلامي يوصله للي اغليته


هذا وداع الحب صعب ينطقه لساني


نطقه القدر وانتهى حلم ما بديته


حلم ما تحقق والوقت من ايامه ما عطاني


جار علي وطفى النور اللي ضويته


وارجاك بعد حبي لا يسكنك حب ثاني


مثلي يوم اني عقبك الحب سليته


وانا جاك غيري قولي حبه كفاني


ما بعد حبه حب ليتني بالعطى جزيته


بودعك دام بالحب انتهى زماني


وداعك حب حب ما قد نسيته

مشكور حبيب البي